சென்னையில் ‘The Unbecoming’ நூலை வெளியிட்ட கார்த்திகேயா வாஜ்பாய்; அடையாளம், வாழ்க்கை நோக்கம் மற்றும் விழிப்புணர்வு குறித்து உரையாடல்
Chennai, 23 June 2026: எழுத்தாளரும் வழக்கறிஞருமான கார்த்திகேயா வாஜ்பாய், தனது புதிய நூலான ‘The Unbecoming: Let Life Reveal Its Purpose’ (Penguin Random House India) நூலை சென்னை அண்ணா சாலையில் உள்ள ஹிகின்போதம்ஸ் புத்தக நிலையத்தில் வெளியிட்டார். இதற்கு முன்பு, அவர் SRM அறிவியல் மற்றும் தொழில்நுட்பக் கல்வி நிறுவனத்தின் ராமாபுரம் வளாக மாணவர்களுடன் கலந்துரையாடினார். அங்கு ராமாபுரம் மற்றும் திருச்சி வளாகங்களின் தலைவர் (Chairman) டாக்டர் ஆர். சிவகுமாரை சந்தித்து, தனது நூலின் பிரதியை வழங்கினார்.
டாக்டர் எஸ். திருமகன் (Dean – அறிவியல் மற்றும் மனிதவியல்) மற்றும் துறைத் தலைவர் (Head of Department) டாக்டர் பிரபாகரன் வி. ஆகியோர் முன்னிலையில் நடைபெற்ற “Navigating Life in the Age of Algorithms: Attention, Identity and Meaning in a Media-Saturated World” என்ற தலைப்பிலான உரையில், அறிவுக்கும் (Intellect) ஞானத்திற்கும் (Wisdom) உள்ள வேறுபாட்டை கார்த்திகேயா வாஜ்பாய் விளக்கினார். அறிந்தவற்றின் (Known) அடிப்படையில் செயல்படுவது அறிவு என்றால், அறியப்படாதவற்றை (Unknown) தேடும் பயணமே ஞானம் என அவர் கூறினார். தொழில்நுட்பமும் செயற்கை நுண்ணறிவும் பயனுள்ள கருவிகளாக இருந்தாலும், மனிதனின் ஆழமான உளவியல் வளர்ச்சியை அவை மாற்ற முடியாது என்றும் அவர் குறிப்பிட்டார்.
டிஜிட்டல் உலகின் தாக்கம் குறித்து அவர் பேசுகையில், “இன்று அல்காரிதம்கள் நமக்கென ஒரு செயற்கை அடையாளத்தை உருவாக்கிக் கொண்டிருக்கின்றன. இந்தச் சூழலில் திரை நேரத்தை கட்டுப்படுத்துவதை விட, நமது சுயமரியாதையைப் பாதுகாப்பதே மிகப்பெரிய சவாலாக உள்ளது. உண்மையான தன்னம்பிக்கை வெளியில் இருந்து வருவதில்லை; அது நம்முள் இருந்து உருவாக வேண்டும். தொழில்நுட்பத்தை மறுப்பதல்ல, விழிப்புணர்வுடன் பயன்படுத்துவதே முக்கியம்,” என்றார். மேலும், தனது நூலின் தத்துவ அடித்தளத்தை விளக்கும்போது, மாயை (Maya) பயம் மற்றும் பேராசை ஆகிய இரண்டின் மூலம் செயல்படுகிறது என்றும், அவற்றிலிருந்து விடுபட்ட நிலையான பற்றின்மையே (Detachment) உண்மையான நிறைவை அளிக்கிறது என்றும் கூறினார்.
நூல் வெளியீட்டு நிகழ்வில் எழுத்தாளரும் தலைமைத்துவ ஆலோசகருமான ஸ்ரீபிரகாஷ் நடாதூர் ஸ்ரீதரன் கலந்து கொண்டு, வாழ்க்கை நோக்கம், அடையாளம் மற்றும் தனிமனித வளர்ச்சி குறித்து கார்த்திகேயா வாஜ்பாயுடன் உரையாடினார். ஆன்மிகப் பயிற்சிகள் குறித்து பேசுகையில், தியானம் என்பது எண்ணங்களை முற்றிலும் நீக்குவது அல்ல; மாறாக விழிப்புணர்வை வளர்ப்பதற்கான ஒரு பயிற்சி என வாஜ்பாய் விளக்கினார். இதுகுறித்து ஸ்ரீபிரகாஷ் கூறுகையில், “இந்த நூல் வெற்றி மற்றும் அடையாளம் குறித்த நம்முடைய ஆழமான நம்பிக்கைகளை மறுபரிசீலனை செய்ய அழைக்கிறது. உடனடி பலன் தெரியாவிட்டாலும், தொடர்ந்து மேற்கொள்ளப்படும் ஆன்மிகப் பயிற்சியே உண்மையான வளர்ச்சிக்கு வழிவகுக்கிறது,” என்றார்.
நூல் வெளியீட்டு விழாவில் கார்த்திகேயா வாஜ்பாய் பேசுகையில், “வெளிப்புற உலகம் நிர்ணயிக்கும் இலக்குகளைத் தொடர்ந்து துரத்துவதற்குப் பதிலாக, உள்ளார்ந்த சிந்தனையின் மூலம் வாழ்க்கை தனது நோக்கத்தை வெளிப்படுத்த அனுமதிக்க வேண்டும் என்பதே இந்த நூலின் நோக்கம்,” என்றார்.
டலாய் லாமா மற்றும் சுவாமி சர்வபிரியானந்தா ஆகியோரின் முன்னுரைகளுடன் வெளிவந்துள்ள ‘The Unbecoming’, ஒரு பிரபல கிரிக்கெட் வீரரும் அவரது வழிகாட்டியுமான குருவின் உறவை மையமாகக் கொண்டு, அடையாளம், வாழ்க்கை நோக்கம், எதிர்பார்ப்புகள் மற்றும் அர்த்தமுள்ள வாழ்க்கைக்கான தேடலை ஆராய்கிறது.
