மகளிர் சுயஉதவிக் குழுவினருக்கான முதலீட்டுப் பயணத்தில் கைகொடுக்கும் ‘சக்ஷம்’ (Saksham) திட்டத்தை அறிமுகப்படுத்திய AMFI!
சென்னை 17 ஜூலை 2026: அசோசியேஷன் ஆஃப் மியூச்சுவல் ஃபண்ட்ஸ் ஆஃப் இந்தியா (AMFI) அமைப்பானது, மகளிர் சுயஉதவிக் குழு (SHG) உறுப்பினர்களுக்கு நிதி அறிவு மற்றும் முதலீட்டு விழிப்புணர்வை வழங்கி அவர்களை மேம்படுத்துவதற்காக, முதல் முறையாக ஒரு முன்னோடி முயற்சியான ‘சக்ஷம்’ (Saksham) திட்டத்தை இன்று அறிமுகப்படுத்தியுள்ளது. 'மியூச்சுவல் ஃபண்ட்ஸ் சஹி ஹை' (Mutual Funds Sahi Hai) பிரச்சாரத்தின் கீழ் தொடங்கப்பட்ட இந்த சக்ஷம் திட்டம், அடிமட்ட அளவில் உள்ள பெண்களின் மகத்தான பொருளாதார திறனை வெளிக்கொணரும் வகையில் வடிவமைக்கப்பட்டுள்ளது. மேலும், முறையான முதலீட்டு வழிகளில் பங்கேற்கவும், சரியான நிதி முடிவுகளை எடுக்கவும் தேவையான அறிவு, நம்பிக்கை மற்றும் நடைமுறை புரிதலை இது பங்கேற்பாளர்களுக்கு வழங்குகிறது.
2026 ஜூலை 15 அன்று நடைபெற்ற இதன் தொடக்க விழாவை, தமிழ்நாடு ஊரக இன்குபேஷன் மற்றும் ஸ்டார்ட்அப் எனேப்ளர் (TNRISE) அமைப்பு நடத்தியது. இந்நிகழ்ச்சியில், தமிழ்நாடு ஊரக மாற்றுத் திட்டத்தின் (TNRTP) முதன்மை செயல்பாட்டு அதிகாரியும், TNRISE அமைப்பின் தலைமை நிர்வாக அதிகாரியுமான (CEO) திருமதி. வி.ஆர். சுப்புலட்சுமி, IAS அவர்கள் சிறப்பு விருந்தினராகவும், AMFI அமைப்பின் மார்க்கெட்டிங் மற்றும் முதலீட்டாளர் கல்வி பிரிவின் துணைத் தலைவர் திருமதி. மம்தா முத்லியார் வைத்யா அவர்களும் கலந்து கொண்டு சிறப்பித்தனர்.
தமிழ்நாடு மற்றும் கேரளா முழுவதும் தொடங்கும் இந்த ‘சக்ஷம்’ திட்டம், நீண்ட கால செல்வ உருவாக்கத்தை ஊக்குவிப்பதையும், உள்ளூர் சமூகங்களுக்குள் விழிப்புணர்வுடன் கூடிய முதலீட்டு கலாச்சாரத்தை வளர்ப்பதையும் நோக்கமாகக் கொண்டுள்ளது. இந்த விழிப்புணர்வைச் செயல்பாடாக மாற்றுவதற்காக, இத்திட்டம் eKYC நடைமுறைகளை முடிப்பதற்கான பிரத்யேக கள ஆதரவையும் வழங்கும்; அதோடு, பயிற்சி பெற்ற பணியாளர்கள் மற்றும் உதவி மையங்கள் மூலமாகப் பங்கேற்பாளர்கள் தடையின்றி முதலீட்டு வாய்ப்புகளைப் பெற வழிவகை செய்யும். முதலீட்டாளர் கல்வியை நேரடி நடைமுறை உதவிகளுடன் இணைப்பதன் மூலம், சக்ஷம் திட்டம் நிதி உள்ளடக்கிய தன்மையை ஆழமாக்கவும், பெண்களின் அதிகாரம் பெற்ற எதிர்காலத்திற்குப் பங்களிக்கவும் முயல்கிறது.
தொடக்க விழாவில் பேசிய TNRTP அமைப்பின் முதன்மை செயல்பாட்டு அதிகாரியும், TNRISE அமைப்பின் தலைமை நிர்வாக அதிகாரியுமான (CEO) திருமதி. வி.ஆர். சுப்புலட்சுமி, IAS அவர்கள், “தமிழ்நாட்டில் அடிமட்ட அளவிலான பொருளாதார மாற்றத்திற்கு மகளிர் சுயஉதவிக் குழுக்கள் நீண்டகாலமாக முதுகெலும்பாக இருந்து வருகின்றன. நமது பெண்கள் தங்களுடைய கூட்டு வலிமையின் மூலம் நிறுவனங்கள், சேமிப்புகள் மற்றும் வாழ்வாதாரங்களை உருவாக்கியுள்ளனர். சக்ஷம் திட்டம் இந்த பயணத்தை சேமிப்பதில் இருந்து முதலீடு செய்வதை நோக்கி ஒரு முக்கிய படி மேலே எடுத்துச் செல்கிறது. சுயஉதவிக் குழு உறுப்பினர்களுக்கு முறையான முதலீட்டாளர் கல்வி மற்றும் நேரடி ஆதரவிற்கான வாய்ப்பை வழங்குவதன் மூலம், இத்திட்டம் அவர்கள் கஷ்டப்பட்டு சம்பாதித்த சேமிப்பை முறையான முதலீட்டு வழிகளில் செலுத்தவும், அவர்களுக்கும் அவர்களின் குடும்பங்களுக்கும் நீண்ட கால நிதிப் பாதுகாப்பை உருவாக்கவும் உதவும்,” என்று கூறினார்.
AMFI அமைப்பின் தலைமை நிர்வாக அதிகாரி திரு. வெங்கட் என். சலாசனி அவர்கள் பேசுகையில், “பெண்கள் சரியான நிதி முடிவுகளை எடுக்கவும், நீண்ட கால நிதி நல்வாழ்வை உருவாக்கவும் தேவையான அறிவு, நம்பிக்கை மற்றும் திறன்களை அவர்களுக்கு வழங்கும் முதலீட்டாளர் விழிப்புணர்வு முயற்சிகள் மூலம் பெண்களை மேம்படுத்துவதில் AMFI கொண்டுள்ள ஆழமான அர்ப்பணிப்பை ‘சக்ஷம்’ பிரதிபலிக்கிறது. மகளிர் சுயஉதவிக் குழு உறுப்பினர்கள் இந்தியாவின் அடிமட்ட அளவிலான பொருளாதார மாற்றத்தின் மிக சக்திவாய்ந்த எஞ்சின்களில் ஒன்றாகத் திகழ்கின்றனர்; மேலும் பரஸ்பர நிதிகளில் (Mutual Funds) அவர்கள் பங்கேற்பதை சாத்தியமாக்குவது நாட்டின் நிதி உள்ளடக்கிய பயணத்தின் இயற்கையான அடுத்த கட்டமாகும். சக்ஷம் திட்டம் மூலம், விழிப்புணர்வு என்பது செயல்பாடாக மாறுவதற்காக, eKYC ஆதரவு உள்ளிட்ட நேரடி கள உதவிகளுடன் கல்வியையும் நாங்கள் இணைக்கிறோம். இந்த பயணத்தை நாங்கள் தமிழ்நாடு மற்றும் கேரளாவில் தொடங்குகிறோம், மேலும் சக்ஷம் திட்டத்தை நாடு முழுவதும் உள்ள பெண்களுக்குக் கொண்டு செல்ல ஆவலுடன் இருக்கிறோம்,” என்று கூறினார்.
இந்தத் தொடக்க நிகழ்வில், சேமிப்பு மற்றும் முதலீடுகளின் அடிப்படைகள், மியூச்சுவல் ஃபண்ட் (Mutual Funds) மற்றும் முறையான முதலீட்டுத் திட்டங்கள் (SIP) பற்றிய அறிமுகம், மற்றும் முதலீட்டாளர் பாதுகாப்பு மற்றும் குறைகளைத் தீர்ப்பதற்கான வழிகாட்டுதல்கள் ஆகிய தொகுதிகள் இடம் பெற்றிருந்தன. பயிற்சி பெற்ற பணியாளர்களைக் கொண்ட உதவி மையங்கள், பங்கேற்பாளர்களுக்கு eKYC நடைமுறைகளை முடிக்க உதவின; இதன் மூலம் அவர்கள் இந்தத் திட்டத்தின் தொடக்க நாளன்றே முறையான முதலீட்டில் தங்களின் முதல் படியை எடுத்து வைக்க முடிந்தது.
AMFI பற்றி:
AMFI அமைப்பு ஆகஸ்ட் 22, 1995 அன்று ஒரு லாப நோக்கற்ற அமைப்பாகத் தொடங்கப்பட்டது. தற்போது, SEBI அமைப்பில் பதிவு செய்யப்பட்டுள்ள அனைத்து சொத்து மேலாண்மை நிறுவனங்களும் (Asset Management Companies) இதில் உறுப்பினர்களாக உள்ளன. இந்திய பரஸ்பர நிதிச் சங்க அமைப்பு (AMFI), இந்திய பரஸ்பர நிதித்துறையை (Mutual Fund Industry) தொழில்முறை, ஆரோக்கியமான மற்றும் நெறிமுறை சார்ந்த வழிகளில் மேம்படுத்தவும், பரஸ்பர நிதிகள் மற்றும் அவற்றின் பங்குதாரர்களின் நலன்களைப் பாதுகாக்கும் மற்றும் ஊக்குவிக்கும் நோக்கில் அனைத்துப் பிரிவுகளிலும் தரநிலைகளை மேம்படுத்திப் பராமரிக்கவும் அர்ப்பணிக்கப்பட்டுள்ளது. SEBI அமைப்பில் பதிவு செய்யப்பட்டுள்ள அனைத்து சொத்து மேலாண்மை நிறுவனங்களையும் கொண்ட இந்திய பரஸ்பர நிதிச் சங்கமான AMFI, ஆகஸ்ட் 22, 1995 அன்று ஒரு லாப நோக்கற்ற அமைப்பாகத் தொடங்கப்பட்டது.
